Equipment Free Exercises: કસરતના સાધનો વગર પણ ઘટાડી શકો છો ચરબીના થર, દરરોજ કરો આ અસરકારક વ્યાયામ

વજન ઘટાડવું (Weight Loss) ક્યારેય સરળ નથી હોતું. વર્કઆઉટ્સ શરૂ કરતી વખતે શરૂઆતમાં દિનચર્યાઓમાંથી (Lifestyle) સમયનું આયોજન કરવું મોટો પડકાર (challenges) છે. આ સાથે પ્રારંભમાં કસરતના સાધનોનો પણ પ્રશ્ન ઊભો થાય છે. જો કે, ઘણા પ્રકારની અસરકારક કસરતો કોઈપણ અત્યાધુનિક સાધનોની જરૂરિયાત વિના (effective exercises without sophisticated equipment) ઘરે કરી શકાય છે. કસરતનો આવો જ એક પ્રકાર પિલાટેસ (Pilates) છે. ધીમી ગતિ દ્વારા કરવામાં આવતી આ કસરત મસલ્સની સ્ટ્રેન્થ વધારે છે અને મેટાબોલિઝમને પણ વધુ મજબૂત બનાવે છે. પિલાટેસ રેગ્યુલર કરવાથી તમને વજન ઘટાડવામાં તો મદદ મળશે જ સાથે જ તમારું શરીર સુદ્રઢ બનશે અને મસલ્સ કન્ટ્રોલ પણ વધશે.

લેગ સ્ટ્રેચ

આ એક અથવા બંને પગથી કરવામાં આવતી લોઅર બોડીની અસરકારક કસરત છે. સૌ પ્રથમ મેટ પર સૂઈ જાઓ અને તમારો ચહેરો ઉપર રાખો. હવે, તમારું માથું, ગરદન અને ખભા ઉપર ઉઠાવો. ઊંડા શ્વાસ લો અને તમારા પગને 45-ડિગ્રીના ખૂણા પર સીધા કરો અને તમારા હાથને તમારા કાન તરફ લંબાવો. શ્વાસ બહાર કાઢતા ફરી મૂળ પોઝીશનમાં આવો

આ પણ વાંચો: Heart disease: 40થી 55 વર્ષના લોકોમાં હ્રદય રોગ પાછળ આટલી વસ્તુ છે જવાબદાર, જાણો અભ્યાસમાં શું આવ્યું સામે?

ટો ટેપ્સ

આ કસરત તમારા પેટ અને હિપ એક્સ્ટેન્સર પર અસર કરે છે. ઘૂંટણને વાળીને પીઠના બળે સૂઈ જાઓ અને તમારા પગને સમાંતર અને હિપ્સથી દૂર રાખો. તમારા પેટને પોપ કર્યા વિના અથવા તમારી પીઠને બળ આપ્યા વિના ધીમે ધીમે શ્વાસ બહાર કાઢતી વખતે એક પગને ટેબલટોપની સ્થિતિમાં લો. આ જ પ્રક્રિયા બીજા પગથી કરો. દરેક પગ પર ઓછામાં ઓછા 5 રેપ્સ કરો.

વન લેગ સર્કલ

તમારી પીઠ પર સૂઈ જાઓ અને બંને પગને સીધા જમીન પર રાખો. શ્વાસ બહાર કાઢતી વખતે નિતંબને સ્થિર રાખી એક પગ ઊંચો કરો. શ્વાસ લેતાં લેતાં પગને તમારા શરીરની આરપારની હવામાં લઈ જાઓ. હવે તમારા પગ વડે વર્તુળ બનાવો અને શ્વાસ બહાર કાઢો. આમ કરતી સમયે તમારા પેલ્વિસને વધુ પ્રેશન ન આવે તેવો પ્રયાસ કરો. બંને પગમાં 5-5 વખત આ કસરત કરો.

કોર્કસ્ક્રૂ

ફ્લોર પર હાથ દબાવીને તમારી પીઠ પર સૂઈ જાઓ. તમારા પગને એકસાથે રાખો અને તેને સીધા છત તરફ લઈ જાઓ ત્યારે તમારા પગને ફ્લોરની સમાંતર રાખો. શ્વાસ અંદરની તરફ ખેંચો અને પીઠની જમણી બાજુએથી નીચે રોલ કરતા બંને પગને જમણી તરફ ખસેડો. હવે તેને ડાબી તરફ લઇ જાઓ.

પ્લેન્ક ટૂ પુશ

સીધા ઊભા રહો અને શ્વાસ અંદર લો. હવે પ્લેન્ક પોઝીશનમાં આવો અને તમારા શરીરને મેટ તરફ નીચે કરો અને તમારી કોણીને પાંસળીની નજીક ખેંચવાનો પ્રયાસ કરો. તમારા હાથને સીધા કરો અને પુશ-અપ ફરીવાર કરો. ત્યાર બાદ મૂળ સ્થિતિમાં આવો.

આ પણ વાંચો: જો તમે પણ આ રીતે બનાવશો ભાત, તો સ્વાસ્થને નહીં થાય નુક્શાન, ડાયાબિટીસના દર્દીઓ પણ સરળતાથી ખાઈ શકશે

સાઇડ બેન્ડ પ્રીપેરેશન

નીચે એક સાઇડ બેસો અને બંને ઘૂંટણને વાળીને તમારા એક હાથનો સહારો લઇને શરીર ઉંચકો અને બીજો હાથ માથાની તરફ લઇ જાઓ. શ્વાસ અંદર લો અને તમારા નિતંબને અડધા નીચે કરો. તમારા નિતંબને ફરીથી ખોલવા માટે શ્વાસ બહાર કાઢો. આ કસરતનું 8 વખત પુનરાવર્તન કરો.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર